Кејт Мидлтон навистина вложила труд да спреми роденденски поклон за својот сопруг годинава. Принцот Вилијам за својот 37. Роденден добил рачно изработен споменар, пренесува телеграф.рс.
Овој дизајн на војвотката од Кембриџ е преполн со фамилијарни фотографии кои настанале во претходната година. Вметнати се и цртежите и сликите кои ги нацртале нивните деца. Додека ги листа страниците, принцот Вилијам сигурно ќе се потсети на преубавите моменти кои ги доживеале и ќе може секогаш да им се врати, бидејќи Кејт направила сите тие сега да се на едно место.
– Кејт и децата го составиле најубавиот потсетник на сопругот и таткото за самиот себе. Нема сомнеж дека ова ќе му биде еден од најмилите поклони во животот. Тука се наоѓа секој момент кој е снимен за една година, секоја активност која ја направиле и секоја насмевка која е овековечена – кажува извор близок до кралската фамилија и додава дека ваков поклон е нешто што останува за цел живот како потсетник на најблиските и најмилите.
Наводно, споменарот се вика “Скриен дом во кој беа тројца“.
