Новородениот син на британскиот принц Хари и Војвотката од Сасекс, новото кралско бебе, ќе се вика Арчи Харисон Маунтбатен-Виндзор, соопшти денес Бекингемската палата.
Меган Маркл и принцот Хари се појавија денес за прв пат пред новинарите со кралското бебе кое се роди во понеделникот, опишувајќи го чувството на родителството како „магично“.
Тие својот син го претставија на мала група новинари, а тој беше замотан во бело ќебе и имаше бело капче, пренесува Ројтерс.
„Магично е, навистина е неверојатно да ги имате двете најдобри момчиња на светот и многу сум среќна“, изјави Меган.
Meghan and Harry have announced a name! The royal baby is called Archie Harrison Mountbatten-Windsor: https://t.co/Du9nciG3ah pic.twitter.com/39sg02yLOD
— CNN (@CNN) May 8, 2019
Таа додаде дека нивниот син го „има најслаткиот темперамент и спие добро“.
Хари изјави дека родителството е неверојатно, како и фактот дека имате сопствен извор на задоволство.
Тие најавија дека ќе ја посетат кралицата Елизабета Втора (93) за да се запознае со своето осмо правнуче.
