Поминаа 18 години од смртта на легендарниот Борис Дворник. Почина од последици на срцев удар на 68-годишна возраст, а во текот на поголемиот дел од животот најголема поддршка му беше неговата сопруга, шест години помладата Дијана Дворник.
Се запознале кога таа имала само 16 години, а Борис се заљубил на прв поглед и со денови ѝ пеел серенади под прозорецот. Се венчале во 1962 година, кога Дијана станала полнолетна, и оттогаш биле нераздвојни. Набргу по свадбата го добиле синот Деан, а година и пол подоцна им се родил и Дино.
Тажната 2008 година, Дијана останала без сопругот и без синот Дино, кој починал шест месеци по својот татко. Еднаш раскажала како се справувала со трагичните загуби.
„Ниту кога умре Борис, ниту кога умре Дино не пуштив солза. Ниту една солза. Ни денес не плачам. Никогаш не плачам“, изјавила Дијана за „24 часа“, истакнувајќи дека им завидува на луѓето што можат да плачат, бидејќи таа сè држи во себе.
Тогаш открила и дека Борис ја освоил со мала измама.
Имено, негов главен адут била русата коса, за која подоцна се покажало дека не била природна, туку ја бојадисал за филм. Таа му рекла: „Ајде бе, ме излажa“, но веќе било предоцна – се заљубила, а останатото е историја, пишува Стори.хр.
