Лепа Брена синоќа пееше на прославата на својот син Виктор по повод неговиот 28. роденден, а на славната мајка ѝ се придружи и колешката Нина Бадриќ.
За прославата беше организована тајна забава во еден познат белградски локал, а Виктор ги покани своите најблиски соработници и пријатели, како и членови на семејството и пријатели со кои славеа до раните утрински часови.
Вистинско изненадување беше доаѓањето на хрватската поп ѕвезда Нина Бадриќ, која во еден момент го зеде микрофонот. Таа заедно со Бренa, додека седеле на маса, ја отпеа песната на Дорис Драговиќ „Мало ми за сречу треба“.
Инаку, Нина престојува во Белград поради деловни обврски, а поканата да им се придружи на гостите на прославата на роденденот на Виктор Живојиновиќ ја прифатила со задоволство.
Моментот додека пееле заедно со Бренa го забележал Јован Пантиќ, поранешниот сопруг на пејачката Марија Микиќ, кој е добар пријател на Виктор. Тој му честитал роденден преку неколку инстаграм-приказни, а во една објавил нивна заедничка фотографија со пораката „Сè знаеш“.
