СОСТОЈКИ:
– 1 кг компири
– 500 г мелено месо
– 200 г доматен сос
– 1 главица кромид
– 1 морков
– 100 г кашкавал
– зачин по желба
ПОДГОТОВКА:
Компирите убаво измијте ги и пресечете ги на половина. Издлабете им ја внатрешноста, но не ја фрлајте и потопете ги во ладна вода. Во тава со малку масло ставете ги исечканиот кромид и морков и пропржете ги, па додајте им го меленото месо и убаво промешајте. Зачинете, па во месото додајте ја внатрешноста од компирите и доматниот сос, па убаво измешајте. Со ова наполнете ги компирите, наредете ги во тавче и испечете ги во рерна загреана на 200 Целзиусови степени околу 40 минути. Пред крај на печењето посипете ги компирите со рендан кашкавал и оставете да се допечат додека се стопи кашкавалот.
