Добро познатата балканска пејачка Ана Николиќ и најдобро платената телевизиска актерка Софија Вергара, како и многу голем број од жените, ниту тие не можат да им одолеат на убавите чанти. На своите богати колекции го додадоа и овој најбаран модел годинава, чантата „The Pouch“, од италијанската модна куќа Ботегa Венета.
Ботега Венета брендот и нивниот дизајнер Даниел Ли, оваа година дефинитивно ја заслужија титулата „творци на најпопуларната чанта“. Тоа е чанта со необичен изглед на „обична вреќа“ или „парталче“ во сите бои која веќе ги полуди сите, така што Инстаграм е преплавен со фотографии од истата.
Помеѓу среќничките кои успеаа да ја купат и покрај цената од 2.100 евра се најде и пејачката Ана Николиќ.
За големата популарност на оваа чанта должна е и можноста истата да се набави во скоро сите можни бои, но дизајнот е сепак тој кој ја освои публиката.
Како собрана вреќа или „мек облак“ како што некои инфлуенсерки сакаат да ја наречат, толку слатко лежи во раката, а на толку мек материјал што буквално нема да сакате да ја испуштите од раката.
И додека Ана е горда сопственичка на оваа чанта во беж боја, Софија Вергара има кафена верзија од истата.
Како ви се допаѓа вам најпопуларната чанта за оваа сезона?
