Кај неа важи онаа старата изрека „преку трње до ѕвездите“.
Американската водителка и новинарка Опра Винфри откри како го потрошила својот прв милион. Познато е дека живеела во сиромаштија, но и дека трпела физичко и сексуално насилство. По завршеното средно школо, започнала да работи на локална радио станица, а денес успеала да создаде медиумска империја вредна 3 милијарди долари.
Таа одговараше на прашања на младите девојки на УouTube каналот „O, The Oprah Magazine”, а одговорот кој го даде на прашањето како го потрошила првиот милион бил изненадувачки за многумина.
„Купив, прекрасни, меки пешкири“, одговори Опра.
„Тоа се доста пари, а прво што направив – го фотографирав чекот на кој пишуваше милион долари. Постои таква фотографија на која го држам тој чек“, објасни таа.
Изјави дека многу сака големи, квалитетни пешкири во кои може цела да се замота.
Откри и дека купила пешкири од марката Ralph Loren.
