Очите на целиот свет постојано се вперени во кралското семејство, особено кога се работи за изборот на облеката. Токму затоа тие треба да следат цела низа правила.
Кога се работи за боите, ограничувањата не се строги. Кралицата Елизабета е позната по костимите со силни бои, додека војвотките Кејт и Меган најчесто се појавуваат во облека со пастелни, нежни нијанси.
Понекогаш ги гледаме и во гардероба во потемни бои, но во една боја никогаш не сме виделе ниту една од членките на кралското семејство, тоа е портокаловата.
Иако не се знае со сигурност зошто е тоа така, познатиот магазин „Мери Клер“ тврди дека постојат неколку теории на оваа тема.
Една од теориите има врска со самата боја – се смета за озлогласена кога се работи за фотографирањето бидејќи прави лицата што ја носат да не изгледаат толку привлечно.
Од друга страна многумина сметаат дека Кејт едноставно не ја сака оваа боја, а Меган ја сака, но бидејќи сака да ѝ се допадне на кралицата, не ја практикува.
