На малечкиот Пончо животот му се променил преку ноќ. Освен што секој ден е опсипан со љубов и нежност, малечиот опосум Пончо го има и најголемиот заштитник, во облик на бел германски овчар, кој секој ден го носи на грбот, каде и да треба.
Пончо бил бебе кога неговата мајка ја усмртил автомобил. Иако шансите да преживее биле мали, тој успеал, а потоа го нашле добри луѓе, кои со помош на ветеринар, му помогнале да застане на нозе.
Тогаш се случило нешто прекрасно бидејќи Пончо се запознал со белиот германски овчар, чие име е Ханту, па така тие двајца оттогаш се неразделни.
Ханту никогаш немала легло, па кога го здогледала Пончо, проработеле мајчинските инстикти. Тие двајца сега живеат во склоп на „Rare Species Fund“ организацијата, која има за цел зголемување на свеста за растителниот и животинскиот свет.
