Овој стар македонски рецепт го има речиси во секоја тетратка со рецепти на нашите баби и мајки, а вкусот е едноставно, неповторлив.
Потребни состојки:
3 јајца
Една чаша шеќер
Три јаболка
250 гр мелени ореви
200 гр гриз
Еден ванилин шеќер
Еден прашок за пециво
За шербет:
2 чаши шеќер
3 чаши вода
Подготовка:
Излупете ги јаболката и изрендајте ги крупно. Во сад за матење матете ги јајцата, па додавајте го шеќерот и продолжете со матење. Во изматените јајца додадете ги сувите состојки и јаболката и измешајте да се соедини смесата.
Во намастена и набрашнета тепсија истурете ја смесата и печете 40 минути на 200 степени. Додека колачот се пече подгответе го шербетот.
Испечениот колач исечете го на парчиња и прелијте со топол шербет. Оставете го најдобро преку ноќ да се впие.
