Веруваме дека веќе сте ја пробале стандардна варијанта за подготовка на палачинки со основните состојки: јајца, брашно, млеко, вода, шеќер, масло.
Доколку сакате да пробате нов рецепт погледнете го видеото на познатата манекенка Карли Клос која ќе ве инспирира да подготвите вкусни и здрави палачинки за чија подготовката користи само три состојки. Не верувате во тоа? Пробајте го нејзиниот рецепт.
Состојки:
- Овесни снегулки
- Банана (зрела)
- Јајце
Подготовка:
Бананата добро изгмечете ја со вилушка, потоа додадете го јајцето и добро измешајте, па додадете една рака овесни снегулки. Загрејте ја тавата, како и за обични палачинки, со тоа што претходно ќе додадете малку путер или масло. Сипете со лажица од смесата и печете ги додека не поруменат. По желба можете да ги прелиете со јаворов сируп или да ги послужите со шумско овошје по желба.
