Состојки:
– 2 варени цвекла
– 2 варени моркови
– 1 поголем варен компир
– 1 млад кромид или праз
– 2-3 чешниња лук
– сол, малку масло
– 1 лажица павлака (може и без тоа)
– малку сварена супа или чиста зовриена вода
Подготовка:
Младиот кромид ситно испржете го на маслото. Сварете го цвеклото, морковот и компирот, па ставете ги во блендер и додадете го лукот и пржениот кромид и малку супа. Сето тоа убаво изблендирајте го и префрлете ја смесата во сад, па ако е многу густа, додадете уште малку супа или чиста зовриена вода.
Посолете и додадете полна лажица павлака и измешајте. Вашата чорба е готова…
Доколку сакате ова јадење да биде посно, исфрлете ја павлаката.
Уживајте!
