Мусаката може да биде брз и превкусен ручек кој ќе го обожуваат сите членови на семејството.
Потребно е:
– 200 гр тестенини (во нашиот случај макарони)
– 300 гр мелено месо
– 1 главица кромид
– 2 чешниња лук
– масло
– вегета
– сол
– алева пиперка
– 2 јајца
– 250 гр кисела павлака
– кашкавал
Подготовка:
Сварете ги макароните и додадете малку масло за да не се залепат. На масло пропржете ситно сецкан кромид и додадете го меленото месо и него испржете го. Додадете го сецканиот лук, вегетата, солта и црвениот пипер.
Подмачкајте плех. Изматете ги јајцата и додадете ја павлаката и измешајте, па оваа смеса додадете ја во тестенините.
Ставете половина од макароните, израмнете, па додадете го меленото месо во кое сте ставиле и 1 јајце.
Одозгора распоредете го другиот дел од макароните. Изрендајте малку кашкавал. Печете на 200 степени околу 30 минути за да зарумени.
