Наједностваниот рецепт вклучува леб, домат, маслиново масло, босилек и лук: состојки чии бои и вкусови доведуваат до максимално задоволство и за очите и за непцето.
Многу гастрономски трибини се воделе на тема каде и како настанала брускетата. Но, до конкретни информации за тоа во кое време е измислена, не дошло, а со сигурност се знае дека местото на нејзиното „раѓање“ е на територија помеѓу Тоскана и Лацио.
Денес, постојат многу видови на брускети кои се разликуваат едни од други според различниот вид на употребени намирници. Но, како што обично „бива“, највкусната е онаа која се подготвува по наједноставниот, односно првичниот рецепт, позната како „класична брускета“.
Ваквата:
Тостирана или потпечена кришка леб, врз која се трие чешне лук, па потоа се наросува квалитетно маслиново масло. Се редат исекчани парчиња домат, па врз нив, се наросува сол и прстофат оригано. Потоа, повторно се наросува маслиново масло и на врвот, на крајот, се додаваат две три ливчиња свеж босилек.
Инаку, денес може брускетата да ја подготвите и со микс на солени и благи состојки, а особено се популарни брускетите со смокви кои ги заменуваат доматите во комбинација со пршута. Секако, вистинска уживанција се и брускетите подготвени со моцарела, модар патлиџан, печурки, па и со морски плодови.
Иснпирирајте се од овие наши предлози за совршена брускета по италијански рецепт.
