Една од најпознатите есенско-зимски намирници, костенот, е одличен за пилинг. Познати се хранливите вредности и лековитите својства на костенот. Плодовите на костенот се извондредно хранливи и содржат голем број на витамини и минерали, меѓу кои се магнезиумот, калциумот, калиумот, фосфорот, железото и витамини од групата Б.
Но, костенот се употребува и како една од популарните состојки во козметичката индустрија. На пример, совршен е за пилинг.
Пилингот од костени можете да го направите сами.
Во зовриена вода сварете 20 костени. Потоа, излупете ги, додадете половина чаша вода и две лажици маслиново масло и варете 15 минути, додека не добиете кремаста смеса. Добиената смеса оставете да се излади, и додадете 2 лажици крупна сол.
Смесата нанесете ја на лице и направете пилинг со нежно триење.
Отстранете го пилингот со млака вода. Резултатот е почиста, помазна и посвежа кожа, од која е остранет уморниот изглед и подочниците.
