Луѓето често се однесуваат неодговорно со козметичките производи и ги чуваат несоодветни, па така доаѓа до пребрзо сушење на маскарите, ветреење на парфемите или губење на пигментите во шминката.
Истото важи и за кремите и лосионите со заштитен фактор. Со текот на времето тие ја губат својата ефикасност, особено поради тоа што не ги чуваме соодветно. Често лосионот за сончање е изложен на топлина и на сонце, а тоа значително му го скратува рокот на траење што е наведен на пакувањето.
Пред повторно да ги употребите минатогодишните лосиони и креми, проверете дали треба да ги замените. Секоја промена во мирисот и структурата значи дека мора да купите нов производ.
Доколку нанесете од лосионот со поминат рок и се сончате, ризикувате да се здобиете со ужасни изгореници од сонцето, но и со дополнителни иритации поради неисправноста на производот.
