Шпагетите се подготвуваат многу брзо и лесно, но повеќето луѓе не знаат дека не е многу здраво да се подгреваат.
Руската нутриционистка и диетолог, Маријат Мукина, советува да се јадат само свежи тестенини, а не оние од вчера кои поминале низ три процеси – варење, ладење, а потоа повторно загревање.
„Тестенините треба да се јадат свежи, бидејќи ако се загреат, особено во микробранова печка, скробот, најважниот јагленохидрат во брашното, се модифицира и лошо се вари. Како резултат на повторната обработка, електроните се одвојуваат од него, а тестенините веќе содржат слободни радикали. Тоа се супстанции кои предизвикуваат мутации во клетките, штетни материи, па затоа е потребна голема количина антиоксиданси за да се отстранат од телото и да се неутрализираат нивните штетни ефекти“, вели Мукина.
