Таткото на војвотката од Сасекс Меган Маркл, Томас Маркл, објавил повеќе детали од приватниот живот на сопругата на принцот Хари.
Во документарен филм од 90 минути емитуван на „Chanel 5“, видно вознемирениот Томас Маркл ја опишал потребата да ја гледа својата ќерка Меган на телевизија додека закрепнува од срцев удар.
Маркл бил многу емотивен во разговорот и признал дека е „љубоморен на принцот од Велс бидејќи ја водел неговата ќерка до олтарот“ затоа што тоа била негова работа.
„Ќерка ми изгледаше убаво. Посакував да бидам таму со неа. Благодарен сум што Чарлс беше од нејзина страна, но плачев. Не можам да го заборавам тој момент”.
Томас не разговара со својата ќерка од мај 2018 година, и го обвинува принцот Хари за прекинување на нивната врска, за која вели дека се однесува како „чувствителна 12-годишничка“.
Сè се распадна по серијата телефонски повици пред кралската свадба.
Тој требало да ја одведе својата ќерка до олтарот во Виндзор, но сето тоа паднало во вода откако било откриено дека тој направил таен план со еден фотограф. Поточно, тој ги снимал своите подготовки за свадбата иако кралското семејство експлицитно ги замолило медиумите да ја почитуваат нивната приватност.
Томас и понудил извинување на кралицата, но му било одбиено.
Набргу потоа, тој морал да оди во болница поради срцев удар и од лекарите му било кажано дека нема да може да патува за Велика Британија.
Маркл тврди дека, после сè, Хари ладнокрвно му рекол „ако ме слушаше, ова немаше да ти се случи“.
„Му реков: Штета што не умрев затоа што може да се преправаш дека си тажен и се скарав со него. Тоа беше тоа”, рече тој, додавајќи дека Хари му кажувал дека ќе го заштити од стресот и всушност, тој постојано му кажувал да не разговара со никого.
Маркл бил платен за најновото интервју, а изнесувањето семејни интимности за него не било проблем.
„Тие ми должат. Кралското семејство ми должи, и Хари и Меган. Морам да бидам награден за сè што поминав. Мојата ќерка ми рече дека ќе се грижи за мене кога ќе остарам. Сега сум стар – време е да се грижи за татко и” , вели тој.
Маркл се развел од мајката на Меган, Дори кон крајот на 80-тите.
Пензионираниот директор за осветлување во Холивуд, кој никогаш не го запознал неговиот внук Арчи, ја опишува неговата врска со ќерката како комплицирана. „Јас не постојам за нив“.
Таа веќе не се надева многу на помирување. „Следниот пат кога ќе ме види, веројатно ќе ме спуштат во земја“.
