– По снежните врнежи кој зафатија најголем дел од државава, од утре па натаму следува период на претежно стабилно и суво време со повеќе сончеви периоди. Исклучок ќе биде четврток кога ќе има услови за локално провејување на снег, а ќе дува и засилен ветер од северен правец. Наутро температурите повторно ќе бидат МНОГУ НИСКИ и понекаде ќе се спуштаат до околу -10 степени, додека максималните дневни ќе се искачуваат во интервалот од 2 до 11 степени во најтоплите југоисточни предели од државава – вели нашиот метео прогнозер Славчо Попоски.
И во Скопскиот регион од утре па натаму следува период на претежно стабилно и суво време со повеќе сончеви периоди. Особено во четврток ќе дува засилен ветер од северен правец. Наутро температурите ќе се спуштаат до околу -10 степени, додека максималните дневни ќе се искачуваат во интервалот помеѓу 5 и 7 степени.
