Добро е познато дека постои фризура која им одговара на сите жени, боб-фризура, а многу често се појавува и во различни верзии.
Во текот на годините со популарноста настануваа разни варијанти на боб-фризурата како што се „воб“ или „лоб“, а сега на ред е најновиот тренд за наредна година нарелен „поб“!
На англиски – pony bob, а всушност боб со шишки.
Кои се предностите? Ќе ве подмлади за неколку години, а со оваа фризура доаѓа и ефектот на вистинска девојка од Париз. Една дама која уште сега ја носи оваа фризура е Гвен Стефани.
Како да ја стилизирате pony bob фризурата? Пони-боб е совршена надоградба доколку носите рамни шишки и краток боб. Прамените од шишките кои слободно паѓаат преку челото како нежна завеса се суштината на оваа фризура. Лесни, малку подвиткани слоеви на врвот ќе ви дадат уште волумен и ќе спречи фризурата да делува круто и строго.
Која е предноста на оваа фризура? Како и кај многу нејзини претходници, им одговара практично на сите. Тенката коса ќе добие додатен волумен, додека тешката коса со подебели влакна ќе изгледа полесно и помалку комплицирано, единствено во тој случај шишките не смеат да бидат сосема рамно скратени.
