На латино дивата заштитен знак ѝ беше долгата рамна коса во нијанси на кафена во комбинација со природни тонови. Кога пред неколку месеци ја скрати косата, пријатно ги изненади обожавателите.
Меѓутоа, Џеј Ло едноставно сака долга коса, па и понатаму на настапите носеше додатоци за да ја постигне должината од која толку тешко се откажа.
Во меѓувреме косата ѝ порасна и пејачката како едвај да чекаше да експериментира со неа. Или барем нејзиниот фризер Крис Апелтон, кој е одговорен и за ова издание на сензационално стилизираната коса на познатата пејачка.
Крис на својот инстаграм-профил сподели фотографија од Џенифер со новата фризура, а фановите го замолиле со нив да го сподели туторијалот. Тој одбил, односно одговорил дека е можно, ако секој од заинтересираните уплати еден долар. Според лајковите, досега има повеќе од 60.000 заинтересирани.
