Нашиот тим започна соработка со една посебна, прекрасна мајсторка во кујна – Мартина Трајаноска.
Шармантната Мартина стои зад превкусните рецепти пласирани на инстаграм-профилот (martinascooking).
(РЕЦЕПТ) МАРТИНА НИ НАПРАВИ НОВОГОДИШНИ ПУТЕР КОЛАЧИЊА: Супер празнична идеја
Готви од мали нозе, а со текот на годините и искуството научила дека најважна состојка во секое јадење е – љубовта.
Денес Мартина ни направи празнични браунис колачиња.
„Епа поубав рецепт за браунис не знам дали имам направено. Мислам дека конечно ја погодив точно секоја состојка во количините затоа што колачево се тоооопииии! Плус декорацијава е преслатка. Многу се радувам на празнична атмосфера, среќни лица, подароци под елка, декоративни трпези и семејни собиранки“, вели Мартина.
Потребни состојки:
- 1/2 пециво
- 2 јајца
- 100гр шеќер
- 120гр путер/маргарин
- 120гр брашно
- 200гр чоколадо
View this post on Instagram
Подготовка:
Во сад на оган растопете го путерот со чоколадото (јас ставив 150 гр чоколадо за готвење и 50гр црно со 75% какао). Тргнете од оган, додадете ги јајцата и измешајте. Додадете ги и останатите состојки и префрлете ја смесата во плехче 20х20 обложено со хартија за печење и печете 10-15 минути на 200 С. Користев кафеав шеќер, вие можете и со бел. А доколку и вие како мене немате 20х20 плехче искористете алуминиумска фолија и направете преграда како на сликите со што ќе ја намалите големината на плехот. Откако ќе го испечете колачето оставете го кратко да се излади и може да го декорирате. Исечете го на парчиња, ставете соленки/квики како уши, и бонитоп бомбончиња како очи и нос. На очињата залепив и по едно топче црн бибер за да се добие по интересен изглед. Верувам ова ќе биде интересно и забавно готвење и за вас и за вашите најмили.
