Институтот за модерен музички перформанс од Велика Британија ги анализираше профилите на познатите личности, со цел да утврди кој има најмногу лажни следбеници, односно ботови и какво е влијанието на јавните личности во медиумите.
На прво место се најде американската водителка Елен Деџенерис, која ја следат 74,4 милиони луѓе, од кои дури 58% се лажни профили.
На второ место се најде Кети Пери, со 53 % лажни профили, а веднаш зад неа е Кортни Кардашијан, која има вкупно 80 милиони следбеници, од кои 49 % се лажни.
Ист број на ботови има и Тејлор Свифт, чија вкупна бројка е 119 милиони следбеници. Зад неа се корејските суперстарс BTS – тие имаат 19 милиони следбеници, од кои речиси 49 % се лажни.
Следи ѕвездата на Боливуд Дипика Падуконе (48 %), Мајли Сајрус (47%), Аријана Гранде и Пријанка Чопра (46%) а на десеттото место е Џенер со 45 %.
Од останатите Кардашијан-Џенер, Клои и Ким имаат 44% лажни следбеници, Кендал Џенер 33%, а најмалку – 31 % има моментално најуспешната сестра, Кајли Џенер.
