Бруклин Бекам, 20-годишниот син на дизајнерката Викторија Бекам и пензионираниот фудбалер Дејвид, пред јавноста, а и пред родителите пред неколку месеци ја претстави својата нова девојка, 19-годишната Хана Крос.
Парот од тогаш секој момент го користи за да го помине заедно, но судејќи според последните фотографии кои испливаа во јавноста, во љубовта нешто не им цветаат баш рози.
Имено, младиот пар е фатен во кавга во автомобил, при што Хана и Бруклин не можеле да ги задржат солзите, а изразите на нивните лица оставаат впечаток дека нивната расправија била и повеќе од остра. Која е точната причина за кавгата се уште не е познато.
Некои шпекулации наведуваат на тоа дека Бруклин под дејство на алкохол има проблеми со однесувањето.
Откако Бруклин ја покажа својата нова девојка, медиумите не престануваат да го следат секој нивни чекор. Па така парот веќе неколку пати е забележан во дружбите на семејството Бекам, а внимание привлече и неодоливата сличност меѓу Хана и мама Викторија.
Дека не е лесно да се биде девојка на наследникот на една од поранешните Спајсици и еден од најпозанатите светски фудбалери, Хана, се увери во повеќе наврати бидејќи ова не е прв пат на фотографиите да изгледа како „сите бродови да и потонале“.
