Откако Меган и Хари ја налутија британската јавност со патувањата со приватен авион, принцот Вилијам и Кејт го направија сосема спротивното, патуваа со редовен лет.
Вилијам и Кејт заедно со децата патувале во Абердин, а еден билет чини помалку од 70 фунти. Тие освен што патувале заедно со останатите патници, не барале никаков специјален третман, но и не се криеле кога биле фотографирани.
Ваквиот потег го подели мислењето на јавноста. Едни сметаат дека со ова даваат пример како треба да се однесуваат и Меган и Хари, а оние пак, кои „влечат“ на страната на Сасекс мислат дека Вилијам и Кејт патувале со економска класа за инает на помладиот брат и со желба да го прикажат како пакосник и трошаџија.
Принцот Хари пак, тврди дека патуваат со приватни авиони поради безбедноста. За потсетување, принцезата Дијана речиси секогаш ги користеше редовните авионски линии.
Познавачите на кралското семејство пак, се уверени дека Вилијам точно знае што прави и дека сега гради имиџ на крал на народот, сакајќи да го задржи и својот и угледот на своите деца.
