Дека не се плаши да експериментира со сите постоечки модни трендови, најмладата „кардашијанка“ – Џенер, одамна има докажано.
Сè што таа презентира на својот инстраграм-профил, во моментот станува хит, а не се сомневаме дека тоа ќе се случи и со овие панталони. Кајли, со сако со поголеми димензии ги искомбинирала овие мрежести панталони со светкави кристалчиња кои не сокриваат апсолутно ништо.
Оваа модна икона, можеме да кажеме дека одиграла на сигурно кога избрала да носи малку подолго сако кое ги покрива поинтимните делови од телото. На нозете носи проѕирни потпетици, околу кои во последниве неколку години се „кршат копјата“, но сите сестри од семејството Кардашијан ги обожаваат.
