Лејди Гага и Бредли Купер веќе го немаат истиот пријателски однос како порано. Пејачката одбива да се види со актерот и го држи на дистанца.
Досега многупати се тврдеше дека тие двајца имаат посебен пријателски однос, како и неверојатна хемија која од филмското платно ја пренесоа и на настапот за време на доделувањето на Оскарите.
Озборувањата за нивната врска траат од премиерата на филмот, па преку нејзината разделба со свршеникот, сè до разводот на Бредли и Ирина Шајк. Ѕвездите демантираат дека се работи за какво било неверство.
Но, поради притисокот и постојаните обвинувања дека таа е виновна за нивниот развод, Лејди Гага одлучила да се држи настрана од Бредли Купер и со ништо да не дозволи да бидат подгревани различните озборувања.
Таа дури и чувствува грижа на совест што никако не му помогнала на својот пријател да го спаси својот брак, но дека во овој момент е попаметно за сите тие да се држат понастрана еден од друг.
