За Кејт Мидлтон понеделникот бил особено свечен ден и тоа не само поради 8-годишнината од венчавката со принцот Вилијам, туку и поради признанието кое го добила од неговата баба, кралицата Елизабета.
Кралицата ја прогласила Кејт за дама на Големиот крст од Кралскиот викторијански ред, највисокиот можен ранг.
Кралскиот викторијански ред го основала кралицата Викторија уште во 1896-та година, за да може да ги препознае луѓето кои и помагале и ја застапувале.
Владејачкиот монарх лично одбира кој ќе ја носи оваа титула.
Оваа титула Кејт ја сместила во многу сериозно друштво. Помеѓу витезите и дамите на Големиот крст се и синовите на кралицата, принцовите Ендру и Едвард и војвотката од Корнвол, Камила.
Оваа позиција е создадена во 1937 година и на неа била мајката на кралицата се до својата смрт во 2002 година.
Кралицата Елизабета на таа позиција ја именуваше својата ќерка, принцезата Ана во 2007 година.
Мажот на кралицата, принцот Филип титулата Витез на Големиот крст од кралскиот викторијански ред го доби во 2017 година на 70-годишнината од бракот со Елизабета.
