Славниот пар одлучи да продаде една од своите недвижнини, а со оглед на тоа дека во потполност се разликува од онаа во која Ким и Канје живеат, никому не му е јасно зошто таа воопшто била нивна.
Откако ТВ-ѕвездата Ким Кардашијан и раперот Канје Вест се вселија во својата гламурозна вила во Лос Анџелес, многумина се збунети од ентериерот во кој го поминуваат секојдневието. Нивниот семеен дом, скоро и да нема мебел, неодамна е потврдено дека нема никаде ни врата, па целата вила изгледа ладно, монотоно, а поединци на друштвените мрежи велат дека дури и е застрашувачки.
Поради таа причина нивната значително помала куќа во калифорнискиот Калабасас веќе на прв поглед е вистинско изненадување: таа изгледа како крајно едноставно и удобно семејно гнездо.
Како што јавуваат светските медиуми, парот за куќата од 210 метри квадратни, со три спални соби и четири купатила, бара 3,5 милиони долари.
Целиот мебел е правен по мерка, го украсуваат ефективни тапети кои се во ист тон со кујната, тука се и скапоцените лустери, како и едноставната трпезариска маса со столици без потпирач.
Ким Кардашијан ја купи оваа недвижнина уште во 2017 година за 1,6 милиони, а медиумите шпекулираат дека познатиот пар неодамна купил уште два стана, па најверојатно сакаат да се ослободат од едната недвижнина која не ја користат.
