„Salame de chocolate“ (или чоколадна салама) е португалски десерт, специјалитет кој се подготвува со чоколадо, бисквити, путер и јајца. Понекогаш во подготовката се додава порт вино или рум.
Обликуван како салама се сече на тенки кругови кога се служи. Кафеавата боја на чоколадото личи на црвеното месо, а парчињата колачиња и јаткастите плодови личат на белите маснотии кои обично се гледаат во саламата од месо.
Името на саламата датира од 1970 година, кога беше објавена италијанската детска книга за готвење наречена „Manuale di Nonna Papera“ (Прирачникот на бабата патка).
(РЕЦЕПТ) ПРАЗНИЦИ ВО ДАНСКА: Пудинг од ориз и вишни кој се јаде на Божиќната ноќ
Потребни состојки:
- 250 гр чоколадо
- 2 јајца, изматени
- 6 лажици шеќер
- 8 лажици несолен путер
- 6 супени лажици исечкани бадеми
- 6 супени лажици ф’стаци
- 125 гр бисквити
- 1 лажица порт вино (по желба)
- 4 лажици шеќер во прав
View this post on Instagram
Начин на подготовка:
- Испечете ги исечканите бадеми и ф’стаци на тава на средно висока температура 5 минути, со редовно мешање. Додадете во сад и оставете го на страна.
- Во широко тенџере на силен оган ставете вода да зоврие. Потоа, намалете ја температурата на средна. Во метален сад додајте ги путерот, чоколадните парчиња, шеќерот, јајцата и порт виното (по избор). Ставете го над тенџерето и мешајте 5 минути или додека не постигне мазна конзистентност.
- Чоколадната смеса истурете ја во садот со оревите и измешајте да се соедини. Скршете ги бисквитите на мали парчиња од околу 1 цм. Додадете ги во чоколадната смеса и убаво измешајте.
- Покријте и ставете ја оваа смеса во фрижидер околу 15 минути за полесно да се обликува. Потоа истурете ја чоколадната смеса врз хартија и пластична фолија за да формирате ролат со големина на саламата што сакате да ја обликувате. Цврсто тркалајте ја хартијата околу чоколадната смеса. Завртете го секој крај за да ја затворите саламата и продолжете со тркалање за да формирате ролат.
- Ставете го во фрижидер најмалку 2 часа. Извадете го и расукајте го неколку пати во првите 30 минути за да добиете убав кружен трупец, во спротивно може да се израмни.
- Извадете ја од фрижидерот и одвиткајте ја чоколадната салама. Посипете со шеќер во прав. Исечете парчиња или ставете ја во фрижидер додека не се подготвите за сервирање.
Добар апетит!
View this post on Instagram
(РЕЦЕПТ) ПРАЗНИЦИ ВО БРАЗИЛ: Рабанада е задолжителен Божиќен десерт во бразилските домаќинства
