Овој леб можат да го направат оние кои имаат пекач за леб, но може да се пече и во обична рерна.
Потребно ви е:
– 480 гр пченично интегрално брашно
– 150 гр ржано брашно
– 150 гр брашно од хељда
– 1 рамна лажичка сол
– 2 лажици маслиново масло
– кесичка сув квасец
– 500 мл вода
Подготовка:
Оние кои ќе го печат во пекач за леб нека се водат според упатствата на нивниот апарат и нека го користат режимот за црн леб.
Оние кои ќе го печат во рерна, потребно е да ги помешаат сите состојки и да ги замесат како секој леб, да остават тестото да нарасне 30тина минути, да го премесат и да го стават во плех, калап, по избор и повторно да го остават да нарасне уште 30тина минути. Печете го на 180 степени околу 50 минути.
