Калинката е единствено и мистериозно овошје кое одамна претставува симбол на плодноста, доброто здравје и вечниот живот. Потекнува од Персија и во минатото била позната како овошје на боговите. Се верува дека ја одржува младоста и го продолжува животот.
Калинката важи за едно од најатрактивните овошја во светот. Научните истражување потврдиле дека калинката помага за плодност кај жените.
Што се однесува до машката популација, докажан е податокот дека калинката ја зголемува плодноста кај мажите, бидејќи позитивно влијае на квалитетот и концентрацијата на сперматозоидите. Притоа потврдено е дека две чаши сок од калинка на ден го зголемуваат либидото, како кај мажите, така и кај жените, бидејќи ова овошје влијае на зголемувањето на нивото на тестостерон во организмот и кај двата пола.
Лековитите својства на калинката:
– калинката е многу силен антиоксидант кој спречува настанување на одредени видови рак;
– сокот од калинка го намалува ризикот од срцев и мозочен удар;
– спречува згрутчување на крвта во артериите;
– го намалува крвниот притисок;
– го намалува нивото на холестерол во крвта;
– поволно влијае на централниот нервен систем;
– содржи билни материи кои го поттикнуваат производството на серотонин во организмот, па е корисна и за ублажување на депресијата;
– семките од калинката се богат извор на витамини (особено витамините Ц и А), што значи дека ова овошје е корисно и за имунолошкиот систем;
– корисна е за коските, па се препорачува како превенција од остеопороза и остеоартритис;
– ги уништува Ешерихија коли и бактеријата стафилокока;
– содржи многу железо, така што може да помогне во отстранувањето на симптомите кај анемични лица, како што се слабост и вртоглавица.
