Докторите Тери Дуброу и Паул Насиф веќе пет години се ѕвезди на сопственото шоу „Botched“ и се помеѓу најплатените пластични хирурзи во Лос Анџелес. Во нивното шоу луѓето доаѓаат со најлошите резултати од естетските зафати – инфекции, распаднати силикони, р’скавици. Овие доктори се обидуваат да го решат тоа и да им го вратат во нормала животот на пациентите.
Наводно, богатството на Тери Дуброу се проценува на околу 40 милиони долари. Автор е на неколку стручни написи на тема пластична хирургија и реконструктивна хирургија, сопственик е на приватна ординација, но и татко и сопруг на ријалити ѕвезда. Неговата сопруга Хедер се појавува во шоуто „The Real Housewives of Orange County“. Сличен живот води и неговиот колега Насиф.
Оваа двојка во САД пред се е популарна поради својата искреност спрема пациентите. Сепак, многумина ги изненади нивната изјава дека пластичната хирургија ја нарекуваат варварска. Докторот Дуброу навел дека пластичната хирургија е брутална, бидејќи во своите методи на разубавување се уште користи нож и шиење. Но, тие двајца сметаат дека за десетина години, се поретко ќе се користат такви алати. Сметаат дека ќе се појават неинванзивни начини за подмладување и зацврстување на кожата.
„За 5 до 10 години, ќе можете да ја затегнете кожата без ножеви и шиење. Кога студирав, размислував колку е варварски што во 21 век користиме ножеви и конци. Апсурдно!“, изјавил Дуброу.
