Веќе знаете дека маслиновото масло е одлично за здравјето, но тоа исто така е и супер сојузник и во секојдневната нега.
Маслиновото масло е богато со антиоксиданси како што се фенолите и витаминот Е.
Истражувањата покажаа дека ако нанесувате на кожата витамин Е пред излегување на сонце, го намалувате ризикот од појавата на изгореници, црвенило, лупење и сушење на кожата.
Бидејќи сезоната на сончање е во полн ек, ви претставуваме рецепт за пилинг на телото кој можете да го направите дома со минимален трошок.
Се што ви е потребно се маслиновото масло и морската сол.
Четвртина шолја морска сол помешајте со половина шолја маслиново масло и мешајте додека не добиете изедначена паста.
Влезете во кадата, нанесете го пилингот на телото и масирајте се подолго време со кружни движења, оставете го пилингот 5-10 минути на вас и добро измијте се.
Кожата ќе ви биде мазна и нежна како на бебе.
