Венецуела Фјури (16), ќерката на славниот боксер Тајсон Фјури, наскоро би требало да стапи во брак, а нејзината моминска вечер привлече големо внимание.
Венецуела Фјури и нејзиниот партнер Ноа Прајс, 17-годишен боксер, се вериле во октомври минатата година, на забавата по повод нејзиниот 16-ти роденден. Сега Венецуела организираше моминска вечер која собра нејзини блиски пријатели и семејство.
View this post on Instagram
Идната невеста блескаше во златен металик фустан со интересни детали, дизајниран од „Evangeline Designs“. Фустанот ја следи линијата на телото и ја истакнува витката фигура, а впечатливи се длабокиот шлиц и наборите на фустанот. Во стајлингот додаде тиара и вел што паѓаше низ грбот.
Во разговор за „Дејли мејл“, дизајнерката на фустанот истакна дека мајката Парис Фјури и ќерката од самиот почеток знаеле каква креација сакаат за посебната вечер.
„Парис сакаше да ја изненади својата ќерка со златен фустан во стил на грчка божица. Крајниот резултат беше божествен, а мајката и ќерката беа воодушевени“, рече таа.
View this post on Instagram
