За многумина, со доаѓањето на пролетта доаѓаат и проблемите во вид на алергии. Сепак, има решение и за тоа. Овие намирници можат да ви го олеснат животот.
Јаболка – богати се со биофлавоноид, кој исто така е присутен и во лукот, зелката и карфиолот, кој го намалува прекумерното испуштање на хистамини. Контролирањето на нивото на хистамините ги ублажува симптомите на алергијата.
Куркума – Овој индиски зачин е познат поради неговото антивоспалително својство. Но, истражувањата покажуваат дека еден од елементите на куркумата го спречува претераното излачување на хистамин и така ги намалува симптомите на алергии.
Семки од тиква – Пребогати се со магнезиум и само четвртинка филџан дневно од нив е доволно за да се ублажат симптомите од алергија. Магнезиумот ги опушта мускулите и ги отвора дишните патишта, па полесно се диши. Други одлични извори на магнезиум се и бадемите, семките од сончоглед, овесната каша, брокулата, зелениот зеленчук и темното чоколадо.
Јагоди – Витаминот Ц што го содржат јагодите не е корисен само за подигнување на имунитетот, туку го намалува и излачувањето на хистамин кое предизвикува чешање на очите, кивање и раздразлив нос. Една студија докажува дека намалениот витамин Ц во организмот предизвикува значајно зголемување на нивото на хистамин во крвта.
Лосос – Богат со омега 3, лососот значително помага во намалување на алергиските симптоми. Омега 3 масните киселини се корисни не само за намалување на алергиите, туку и за појако срце, подобро расположение и подобро помнење.
