Еден австралиски фармер се прости на необичен начин од неговата тетка која починала по двегодишна борба со рак.
Бен Џексон не успеал да ја види својата тетка Деби пред нејзината смрт поради забрана за патување воведена поради пандемијата на коронавирусите, ниту пак можел да присуствува на погребот.
Така, тој одлучил да се збогува со својата тетка на свој начин и да покаже колку ја сака.
Фармерот го направил ова со помош на своето стадо овци, расфрлајќи житарици низ пасиштето во облик на срце, и додека овците ги јаделе, тие формирале форма на бело срце.
Сè било снимено со дрон, а снимката стана вирална и растажи илјадници луѓе ширум светот, откако Џексон ја објави на интернет.
Извор: Гардијан
