Меган Маркл и Кејт Мидлтон очи не си виделе со месеци, но наскоро изгледа дека ќе мора да се сретнат на венчавката на синот на Викторија и Дејвид Бекам.
Деновиве поранешниот фудбалер и поранешната Спајсица ќе ги разрешат последните двоумења за свадбарските покани. До сега се „нечкаа“ зашто не знаеле што да направат за да не создадат случајно некаков срам или инцидент, ама изгледа дека на крај ќе мора да ги поканат – И ДВЕТЕ снашки. И Меган Маркл и Кејт Мидлтон.
Бекамови, кои се sвезди во Англија и пошироко, се многу претпазливи во изборот на гостите на свадбата на синот Бруклин со невестата Никола Пелц, а настанот секако ќе ги привлече сите познати личности.
Двајцата актери ќе се венчаат во 2022 година и Викторија планира голема свадба. И Сасекс и Кембриџ се на листата на гости. А и не може да е поинаку, зашто Бекамови беа присутни на свадбите на двете кралски двојки.
Според „Мирор“, Викторија би била многу загрижена да ги покани двете снаи бидејќи односите се влошиле.
„Викторија е малку загрижена да ги покани двата пара на венчавката – вели извор за „Мирор“ -, бидејќи целото внимание ќе биде посветено на кралските двојки, а не на синот и неговата идна сопруга … Но од друга страна, таа и Дејвид би сакале да одржуваат добри односи со двата пара“.
