Северина и нејзиниот сопруг Игор Којиќ не се следат на Инстаграм нешто повеќе од еден месец, а пејачката, која има над милион следбеници, до неодамна не следеше ниту еден профил. Меѓутоа, тоа сега се промени.
Имено, Северина деновиве заследи 30 профили на социјалната мрежа. Меѓу нив се кошаркарите Лука Дончиќ и Бобан Марјановиќ, со кои се дружеше на прославата на Дончиќ, која тој неодамна ја организираше.
Таа, исто така, заследи и неколку нејзини долгогодишни соработници, пријателките Ива Радиќ и Петра Гража, како и актерите Горан Богдан и Христина Поповиќ.
Меѓу славните личности кои пејачката ги заследи е актерот Милош Биковиќ, кој неодамна се најде во центарот на скандалот откако поранешната Арина Волочина го окарактеризира како груб егоцентрик, споделувајќи детали од врската со Милош на социјалните мрежи.
View this post on Instagram
Од светските sвезди, Северина ги заследи Ријана, Мадона и Брус Спрингстин, за кого во повеќе прилики има истакнато дека е нејзин омилен пејач.
Инаку, Игор Којиќ веќе некое време ужива во хрватското крајбрежје. Тој редовно објавува моменти од летниот одмор на својот инстаграм – профил, а од неговата сопруга нема ни трага ни глас.
