Првата љубов на популарната пејачка Милица Тодоровиќ беше нејзиниот колега и сопатник од музичките почетоци, Ненад Јовановиќ. Нивната приказна започна уште за време на натпреварувањето „Ѕвездите на Гранд“, каде заедно ги правеа првите чекори кон естрадниот успех и набрзо станаа еден од омилените млади парови.
Иако нивната љубовна врска заврши по неколку години, тие останаа пример за зрело и пријателско раскинување. Во време кога многу поранешни партнери не успеваат да сочуваат ниту минимум коректен однос, нив двајца докажаа дека почитта и поддршката можат да опстанат и по љубовта.
Нов живот надвор од камерите
Ненад ретко се појавува во медиумите, но во една прилика отворено зборуваше за односот со Милица, нагласувајќи дека сè уште се во контакт и дека си пружаат поддршка кога е потребно. Иако се повлече од центарот на естрадните случувања, музиката е и понатаму важен дел од неговиот живот, тој настапува на приватни прослави каде публиката ужива во неговиот созреан глас.
На приватен план, Ненад пронајде стабилност и среќа. Се ожени во 2014 година, а со сопругата го добија синот Данило.
Слаткарница како семеен бизнис
Покрај музиката, тој заплови и во претприемачките води, отвори слаткарница во Белград, со што го оствари долгогодишниот план со семејството на неговата сопруга.
„Тоа го планиравме долги години, бидејќи нејзините имаат производство во Чачак веќе 25 години. Сакавме да ги продаваме тие убави колачи. Задоволни сме како оди работата“, изјави Ненад претходно за „Гранд“.
Милица му честиташе за семејството
Милица Тодоровиќ во една прилика реагираше на тоа што Ненад во медиумите често го претставуваат само како „поранешниот дечко на Милица“.
„Нивна грешка е што така пишуваат, бидејќи тој има своја успешна кариера. Тој сега има прекрасно бебе. Му честитав, детето веќе има две-три години. Поздрав до него ако гледа“, изјави Милица во една ТВ емисија и му мавна на својот поранешен драг пријател.
Нивната приказна сведочи дека патиштата можат да се променат, но дека меѓусебната почит останува трајна вредност.
