Ешли Греам, една од најпознатите плус-сајз манекенки на својот Инстаграм профил откри зошто на работа морала да ја крие својата бременост.
Работела до третото тромесечје, а на тоа се присети со фотографија од еден сет, на кој се преправала дека не е бремена.
– Обид да се сокрие четири-месечна бременост на сет за долна облека – напишала Ешли во описот на фотографијата.
Имено, раката ја ставила преку стомакот, со цел да ја сокрие бременоста бидејќи за тоа дотогаш никој не знаел.
Да се потсетиме, Ешли синот Исак го роди на 20-ти јануари оваа година, а на социјалните мрежи секојдневно споделува фотографии за реалниот живот на една мајка. Бројни обожавателки под фотографиите и оставаат комплименти и се благодарни бидејќи таа пишува за мајчинските проблеми.
