Опра Винфри и нејзината долгогодишна љубов Стедман Греам во „врска“ се од 1986 година. Таа во својата најнова колумна призна дека доколку се омажила за Греам (68) тие не би биле заедно толку долго.
Опра призна дека еднаш сакала да се омажи за Стедман, но кога тој и го предложил тоа во 1993 година, брзо сфатила : „Моите емисии ми беа приоритет и двајцата го знаевме тоа“.
Едноставно сакала некој да ја запроси, но не и да се омажи.
„Сфатив дека всушност не сакам брак. Сакав само да ме запроси. Сакав само тој да сака да бидам „негова госпоѓа“, но не сакав да се жртвувам, да правам компромиси со цел бракот да ни успее. Моите емисии ми беа приоритет и двајцата го знаевме тоа. Тој и јас сме согласни во едно: доколку се венчавме денес не би биле повеќе заедно“, објасни Опра.
Опра и Стедман се во заедница веќе 34 години, а таа за својот партнер има само пофални зборови: „Секој кој некогаш го сретнал знае каков џентлмен е тој. Секогаш само најдобро посакува за мене и за другите. Толку е позитивен, одговорен, трпелив…“
За тоа како ја „преживеале“ заедницата сите овие години, Опра изјави дека тоа е така затоа што индивидуално се развивале, како што и двајцата сметаат дека партнерството има за цел духовен раст на двајцата партнери, пренесува магазинот Пипл.
