Меган Маркл и принцот Хари сакаат да продолжат да го користат својот бренд „Sussex Royal“ по одвојувањето од кралското семејство.
Меган изјавила дека ништо правно не ја спречува неа, ниту пак принцот Хари да го користат брендот и покрај забраната на кралицата, пишуваат медиумите.
Парот се надеваше дека ќе продолжи да ја користи таа титула, за која се верува дека потрошиле огромна сума на пари, откако се повлекоа од своите кралски улоги.
Но, кралицата донесе одлука и им соопшти дека не им е дозволено да ја користат титулата за своите проекти и добротворни акции. А тие, тоа не го прифатија добро.
Меган изјавила дека употребата на зборот „royal“ (кралско) не би требало да биде проблем и дека тие немаат намера тоа да го печатат на маици и пенкала и да го продаваат, туку за големи добротворни цели, пренесува Дејли Мејл.
Изворот за овој весник изјавил:
– Меган кажа дека завршила со драмата, а истото важи и за Хари.
Наводно тврди дека парот го избрал името „Sussex Royal“ за да го „заштити кралското име, а не да го искористи“.
Пријателите, исто така, тврдат дека таа изјавила дека нивниот „успех е неизбежен“ без оглед на тоа дали можат да го користат името или не.
Таа изјавила дека, без оглед на името, Хари и Арчи имаат кралска крв и тоа никој не може да им го одземе. Таа додала и дека како семејство тие секогаш ќе се сметаат за кралско. Изјавила дека тие ги знаат нивните вистински намери и дека само тоа е важно, наведува Дејли Мејл.
Откако се повлече од кралството, парот е подготвен самостојно да покрене непрофитна организација и да продолжи да соработува со своите постојни спонзори.
