Катарина и Дарко Лазиќ за неколку месеци ќе го добијат првото заедничко дете, а сопругата на пејачот постојано споделува објави на нејзините приказни на Инстаграм за тоа како ја поднесува бременоста.
Како што сега открила, иако се труди да се храни здраво и да не претерува, нејзиниот сопруг Дарко „не ја поддржува“ во тоа. Имено, тој побарал да му подготват американски палачинки, а тоа што го ставил на нив ја шокирало и Катарина.
– Не дише. Јас само гледам, наскоро влегувам во седмиот месец и целосно го исфрлив шеќерот затоа што не сакам да бидам прасенце – напишала Катарина додека го снимала Дарко.
Таа објаснила и дека Дарко го направил својот намаз, кој се состоел од мелени бисквити, крем, мали чоколади и млеко и го опишала како „калорчина“.
– Џабе јас направив од оризово брашно кога неговиот намаз е „бомба“ – порачала Катарина.
Инаку, неодамна открија како би сакале да ја викаат нивната ќерка, откако го дознаа полот, но Дарко не е сигурен дали така ќе остане до крај.
