Деми и Брус се венчаа во 1987 година. Тој имал 22 години и ова му бил прв брак, а 25-годишната Деми веќе имала развод зад себе.
Додека беа во брак добија три ќерки: Румер, Скаут Лара и Талула Бел. Двајцата своите ќерки ги носеле на филмските снимања, а често ги вклучувале и во самите снимања. Сепак Брус и Деми решиле нивните три ќерки да израснат во малиот град Хејли, далеку од Холивуд. Се надевале дека таму барем ќе имаат малку „понормално“ детство.
Обожавателите на Брус и Деми забележаа дека трите девојки по малку наликуваат и на двата родитела.
Румер Вилсон (31)
Нивната најстара ќерка зад себе има десетина филмови и мјузикли, вклучувајќи го и последниот филм на Тарантино, „Беше еднаш во Холивуд“. Румер се појави и во филмовите „Некогаш и сега“ и во легендарниот филм „Стриптизерка“, кога имаше 8 години.
Скаут Вилсон (27)
Скаут активно се занимава со општествено-корисна работа, со пеење и со мода. Многумина велат дека личи на татко ѝ.
Талула Вилсон (25)
Талула се занимава со илустрација. Во 2016 година лансирала сопствена линија на облека, наречена по нејзиниот прекар од детството, Бууски. Линијата се состои од маици и џемпери со нејзини илустрации.
Скаут и Талула се појавија во филмот „Скарлетна буква“ кога имаа 4 и 11 години.
Брус Вилис повторно се ожени и со сопругата Ема има две ќерки, Мејбел (7) и Евелин (5).
Сите негови ќерки добро се согласуваат и поминуваат време заедно. Доказ за тоа е и новата фотографија на инстаграм-профилот на Румер Вилсон на која сестрите се заедно.
И покрај тоа што Деми и Брус се разведоа во 2000 година, целото семејство продолжува заедно да се појавува во јавност.
