По четиригодишна пауза, српскиот пејач Саша Матиќ ги воодушеви фановите со својот нов албум „Два живота“, на кој има и дует со хрватската пејачка Јелена Розга.
Пред неколку дена Розга објави дека подготвува изненадување за нејзините фанови, а сега конечно е јасно за што станува збор.
View this post on Instagram
Песната „Ти и ја“ е нивната прва заедничка соработка за која размислувале со години.
„Со Саша со години преговаравме за дует, а тоа се случи со оваа прекрасна балада“, напиша пејачката во описот на својата објава на „Инстаграм“.
Оваа песна особено ја трогнала
„Кариера долга повеќе од 25 години. А само неколку пати сум заплакала на некоја песна. На оваа не заплакав. Плачев. Посакувам да ја почувствувате истата, моја емоција, за што сум му бескрајно благодарна на Саша што ја сподели со мене“, напиша Јелена.
View this post on Instagram
Песната веќе предизвика лавина од коментари на социјалните мрежи.
„Добитната комбинација“, „Вредеше да се чека“, „Прекрасен дует, само за заокружување на годината“, „Дама и господин“, „Ова е прекрасно“, беа само дел од коментарите од воодушевените слушатели.
Новиот албум на Саша вклучува тринаесет нови песни и една стара, а меѓу нив е и песната „Небитно“, напишана од легендарната Марина Туцаковиќ непосредно пред нејзината смрт.
