Кларис се враќа на терен како детектив во потрага по сериските убијци и сексуалните предатори, воедно носејќи се со политичките интриги во Вашингтон…
„CBS“ го објави првиот тизер трејлер за „Кларис“, серијата која ќе послужи како продолжение на култниот филм „Кога јагнињата ќе стивнат“ (1991). Премиерата е закажана за 11 февруари 2021 година.
Темата на серијата, во која Ребека Ридс ја толкува титуларната улога која ја прослави Џоди Фостер, се одвива една година по случувањето од филмот, и ја следи приказната на ФБИ агентот Кларис Стерлинг по застрашувачката средба со серискиот убиец Ханибал Лектор. Кларис се враќа на терен како детектив во потрага по сериските убијци и сексуалните предатори, воедно носејќи се со политичките интриги во Вашингтон.
Иако трејлерот ја обвива темата на серијата со мистериозен вел, повторно можеме да ги забележиме пеперутките кои се провлекуваа низ целиот филм „Кога јагнињата ќе стивнат“.
„Кларис“ е најновата адаптација на романот на Томан Харис за Ханибал Лектор, а покрај Ребека Ридс, во серијата играат и Мајкл Кулдик, Лука де Оливеира, Кал Пен, Ник Сандоу, Девин Тајлер и Марни Карпентер.
