Овој „комичен настан“ се вика „Смрт 2020“, и ќе биде прикажан во форма на документарец, создаден од авторите на дистописката СФ серија „Black Mirror“.
Веќе пред јавноста е презентиран мистериозниот тизер трејлер за проектот „Black Mirror“, кој на комичен начин ќе покаже колку била страшна 2020 година.
Иако само се шпекулираше дека Хју Грант ќе се појави во овој филм, сега е и официјално потврдено, пишува магазинот „Rolling Stone“, а на Грант му се придружија и Семјуел Л. Џексон, Лиза Кудроу, Кумаил Нанјани, Трејси Улман, Самсон Кајо, Лесли Џонс, Дајан Морган, Кристин Милиоти, Џо Кири и други.
Датумот на премиерата засега не е познат, освен што на крајот од приколката пишува дека ќе пристигне „наскоро“.
Погледнете го тизер трејлерот.
