Монолитите кои неодамна се појавија на повеќе локации низ целиот свет станаа голема мистерија, а околу нивното потекло се поврзуваа бројни теории. Откако се појави првиот монолит во Јута, САД, беа откриени уште четири, во Калифорнија, Русија, Романија и Холандија.
Се чини дека мистеријата за монолитот сега конечно е откриена. Како што пишува „Њујорк пост“, зад појавата на монолитот се крие групата уметници наречени „The Most Famous Artist“ од САД.
Иако појавата на монолитите предизвика безброј теории, од вонземјани до маркетинг трикови, оваа мала заедница на уметници сега откри дека тоа е нивно дело, и сега тие одлучија да ги продаваат монолитите по цена од 45.000 долари.
Фотографиите од монолитите на различни локации и самиот процес на правење се објавени на Инстаграм профилот на „The Most Famous Artist“.
Имено, тие објавиле фотографии од маскиран уметник кој работи на изработка на монолит, за да докажат дека тоа навистина е нивно дело.
„Дали тоа беше ти?“, прашаа љубопитните следбеници под објавата.
„Ако под „ти“ мислиш на нас, тогаш да“, одговорија тие.
