Младата јутјуберка Брук Хојтс по грешка на својот канал објави скандалозно видео, а потоа се обиде да се оправда пред своите претплатници.
Откако Брук објавила по грешка видео како го тепа своето куче, доберманот Сфинкс, на нејзината врата чукнала и полицијата, по пријава на неколку нејзините следбеници.
Блогерката планирала да објави монтирана верзија од видеото во кое си игра со својот миленик, но наместо тоа, се објавила целосната снимка на која може да се види како таа го удира и му се развикува на своето куче, го клоца, а дури и го плука.
Нејзината постапка беше јавно осудена од сите претплатници, но и од познати актери и естрадни личности.
Подоцна се обидела да се оправда дека имала лош ден и дека кучето било непослушно.
„Тоа не е оправдување за моето однесување, не сум злоупотребувач и насилник, а секој кој ме знае може да потврди дека многу ги сакам животните“, напишала таа во официјалното соопштение до јавноста во врска со овој случај.
